Додека се враќавме од семинар, со Тина разговаравме за човечките слабости, секојдневната борба и начинот како да се излезе на крај со самиот себе.

Кажав дека годините поминати во Будо, искуството, премрежијата, доста влијаат на зацврстување на духот. Тоа што не го кажав, беше како (од друга страна), раѓањето на сопствените деца влијаат на истиот тој дух.

Пред спиење размислував за тоа. Колку бев силен и бестрашен пред нив, а колку сум плашлив и слаб откако тие се родија.
Како што одговорив на едно до прашањата, се би можел да совладам, преку се би можел да поминам, но за нив, би се предал и би легнал на постела.
Секој има слабост. Но мислам дека слабоста поврзана со децата е заедничка за сите луѓе.
Среќата на нашите деца ни дава сила, но нивната несреќа може целосно да не уништи.
Се договоривме наскоро да одржиме семинар на тема: сеишин текки кјојо. Ова нека биде најава за тие што се заинтересирани.